Agjencia Kombëtare e Bregdetit punon për mbrojtjen, zhvillimin e qëndrueshëm dhe promovimin e bregdetit shqiptar si një destinacion turistik me standarde euro-atlantike.
AKB-ja ka për mision mbrojtjen dhe zhvillimin e një mjedisi të qëndrueshëm të zonës bregdetare, nëpërmjet monitorimit dhe kontrollit të të gjithë potencialit ekzistues të zonës bregdetare e detare dhe pasurive mjedisore që përfshihen brenda saj.
Gjithashtu, misioni përfshin kontrollin e rreptë të veprimtarive turistike në të gjithë territorin e Republikës së Shqipërisë në funksion të zhvillimit të qëndrueshëm të turizmit.
Transformimi i zonës bregdetare shqiptare në një model rajonal të zhvillimit të integruar mjedisor dhe turistik, ku ruajtja e biodiversitetit marine bashkëjeton në harmoni me investimet strategjike, sigurinë e plazheve dhe shërbimet cilësore për qytetarët dhe turistët.
Për të garantuar mbulim efektiv të të gjithë vijës bregdetare, AKB-ja organizohet në dy nivele administrative:
Organizohet dhe drejtohet nëpërmjet Drejtorisë Qendrore (Tiranë), e cila koordinon politikat dhe politikat integruese kombëtare.
Zbatohet drejtpërdrejt në territor nëpërmjet 4 (katër) agjencive rajonale: Vlorë, Lezhë, Sarandë dhe Durrës.
Në përmbushje të misionit të saj ligjor, Agjencia Kombëtare e Bregdetit ushtron këto përgjegjësi kryesore:
Sigurimi i performancës dhe standardeve më të larta të cilësisë në të gjitha zonat bregdetare të vendit.
Organizimi i punës për planifikimin dhe menaxhimin e integruar të zonës bregdetare e detare.
Organizimi i punës për nxitjen e investimeve të qëndrueshme dhe me rëndësi strategjike në zonën bregdetare.
Koordinimi i programeve dhe projekteve zhvilluese me rëndësi për menaxhimin e integruar të territorit.
Sigurimi i zhvillimit të qëndrueshëm të turizmit nëpërmjet inspektimit dhe kontrollit të veprimtarive turistike.