Flora dhe fauna

Bregdeti shqiptar shquhet për pasuri dhe potenciale të mëdha të turizmit balnear. Në brendësi ka një natyrë malore dhe të thyer e cila dukshëm tërheq vëmendjen e gjithë vizitorëve.

Bregdeti i Adriatikut

Flora dhe fauna përgjatë Adriatikut

Flora gjatë bregdetit shqiptar është mjaft e pasur. Përgjatë vijës bregdetare të Adriatikut vijon me një pyllëzim me pisha duke filluar nga Velipoja, Shëngjini, Durrësi, Divjaka. Këto stacione plazhi pikasin për pyllëzim të pishave dhe shkurreve mesdhetare si: shqopa, shelgu dhe dunat. Përsa i përket faunës ujore jetojnë shumë lloje peshqish, ku ndër ta mund të përmendim Sardelen, Levrekun, Qefuillin, Barbunin, Shojzen, Merlucin, Kocën dhe Dentalin, etj. Fauna tokësore karakterizohet nga kafshë të buta dhe të egra.

Bregdeti Jon · Riviera

Riviera shqiptare

Bregdeti Jon, i njohur ndryshe si Riviera shqiptare formon një nga brigjet më piktoresk të pellgut të Mesdheut. Bimësia në këtë zonë është e perfaqësuar kryesisht nga makiet mesdhetare, ku mund të përmendim; helmesi, pambuku i egër, mertja, murrizi, shqopa, dafina, thana, bezga, sherebeli, bajamja e egër, etj. Gjithashtu njihet edhe për prodhimin e agrumeve dhe ullirit.

Gjithashtu, në këtë Rivier mund të përmendim faunën, e cila ka një shumëllojshmëri peshqish dhe shpendësh. Llojet më të përhapura të peshqve janë: sardejla, levreku, koca, dentali, si dhe butakë detar si midhja, Shpendët pëfaqësohen kryesisht nga dallëndyshja e detit, shaptorja, pëllumbat e egër, thëllëza e malit etj.